Refund policy
დაბრუნებისა და გარანტიის პირობები
1. დაბრუნების პოლიტიკა
ჩვენს ონლაინ მაღაზიაში მოქმედებს 14-დღიანი დაბრუნების პოლიტიკა, რაც ნიშნავს, რომ პროდუქტის მიღებიდან 14 კალენდარული დღის განმავლობაში მომხმარებელს შეუძლია მოითხოვოს პროდუქტის დაბრუნება.
პროდუქტის დაბრუნება შესაძლებელია მხოლოდ იმ შემთხვევაში, თუ:
- პროდუქტი არის იმავე მდგომარეობაში, რა მდგომარეობაშიც მიიღეთ;
- პროდუქტი არ არის გამოყენებული;
- პროდუქტი არის ორიგინალ შეფუთვაში;
- პროდუქტს აქვს ყველა ეტიკეტი და აქსესუარი;
- წარმოდგენილია შეძენის დამადასტურებელი დოკუმენტი (ქვითარი ან ინვოისი).
დაბრუნების მოთხოვნის დასაწყებად შეგიძლიათ დაგვიკავშირდეთ:
- ელფოსტა: info@hometech.ge
- ტელეფონი: +995 593 93 96 21
დაბრუნებული პროდუქტი უნდა გამოიგზავნოს ან პირადად იქნას წარმოდგენილი შემდეგ მისამართზე:
სავაჭრო ცენტრი კიდობანი, სართული 0, მაღაზია 46, თბილისი, საქართველო.
გარანტიის პირობები
2. ზოგადი დებულებები
გარანტიული მომსახურება გულისხმობს პროდუქტის უფასო შეკეთებას გარანტიის მოქმედების პერიოდში.
თუ პროდუქტის შეკეთება შეუძლებელია, კომპანია უზრუნველყოფს:
- პროდუქტის შეცვლას, ან
- მომხმარებლისთვის ალტერნატიული პროდუქტის შეთავაზებას.
გარანტიის ვადა ითვლება შეძენის დამადასტურებელ დოკუმენტში მითითებული თარიღიდან.
3. პროდუქტის შეცვლა 14 დღის განმავლობაში
თუ პროდუქტის შეძენიდან 14 სამუშაო დღის განმავლობაში გამოვლინდა ქარხნული დეფექტი, პროდუქტი გადაეცემა ავტორიზებულ სერვის ცენტრს ტექნიკური შემოწმებისთვის.
თუ დეფექტი დადასტურდება, შესაბამისი პროცედურების დასრულების შემდეგ მოხდება პროდუქტის შეცვლა.
პროდუქტი უნდა წარმოდგენილი იყოს:
- ორიგინალ და დაუზიანებელ შეფუთვაში
- ყველა აქსესუარით
- მექანიკური დაზიანების გარეშე
4. შეკეთებისა და შეცვლის ვადები
სერვის ცენტრი ვალდებულია დაზიანებული მოწყობილობის შეკეთება განახორციელოს მიღებიდან 30 სამუშაო დღის განმავლობაში.
თუ აღნიშნულ ვადაში პროდუქტის შეკეთება შეუძლებელია:
- პროდუქტი შეიცვლება იგივე მოდელით.
თუ იგივე მოდელი აღარ არის ხელმისაწვდომი და მომხმარებელი არ ეთანხმება მსგავსი ფუნქციისა და ფასის სხვა მოდელს, მაღაზია ვალდებულია:
- გააუქმოს შეკვეთა
- დააბრუნოს სრულად გადახდილი თანხა.
თუ ტექნიკური შემოწმების შედეგად დეფექტი არ დადასტურდა, გარანტიული მომსახურება არ განხორციელდება.
5. პროდუქტის დაბრუნება და გაცვლა
პროდუქტის დაბრუნება ან გაცვლა შესაძლებელია შეძენიდან 14 დღის განმავლობაში, მხოლოდ იმ შემთხვევაში თუ:
- პროდუქტის მახასიათებლები არ შეესაბამება ვებსაიტზე მითითებულ ტექნიკურ აღწერას;
- პროდუქტის ვიზუალური მხარე არ ემთხვევა ვებსაიტზე წარმოდგენილ ინფორმაციას.
ონლაინ მაღაზია არ იღებს პროდუქტის დაბრუნებას ან გაცვლას, თუ:
- მომხმარებელს აღარ სურს პროდუქტის ფლობა;
- პროდუქტი არ აკმაყოფილებს მის პირად მოლოდინებს;
- ან სხვა მსგავსი სუბიექტური მიზეზით.
6. შემთხვევები, როდესაც გარანტია არ ვრცელდება
გარანტიული მომსახურება არ ვრცელდება შემდეგ შემთხვევებში:
- გარანტიის ვადა ამოწურულია
- პროდუქტი წარმოდგენილია არასრულ კომპლექტაციაში
- დაზიანებულია აქსესუარები (ბატარეა, დამტენი, ყურსასმენი და სხვა) – აქსესუარებზე გარანტია არ ვრცელდება
- სახარჯი მასალები გამოყენებულია ექსპლუატაციის პირობების დარღვევით
- ოპერაციული სისტემის პროგრამული უზრუნველყოფა შეცვლილია, დაზიანებულია ან მოდიფიცირებულია
- პროდუქტს აქვს ფიზიკური დაზიანება (გატეხილი, დაკაწრული, დაჭყლეტილი, დამწვარი, გადნობილი და სხვა)
- ქარხნული სერიული ნომერი შეცვლილია, ამოღებულია ან დაზიანებულია
- დარღვეულია პროდუქტის ექსპლუატაციის წესები
- მოწყობილობა დაზიანდა არასტანდარტული ელექტრო ძაბვის შედეგად
- მონტაჟი ან ტექნიკური სამუშაოები შესრულებულია არაუფლებამოსილი პირის ან კომპანიის მიერ
- მკვდარი პიქსელების რაოდენობა არ აღემატება დასაშვებ ნორმას:
- მობილური ტელეფონი / კამერა – 1 მკვდარი პიქსელი არ ითვლება ქარხნულ დეფექტად
- ტელევიზორი – 5-მდე მკვდარი პიქსელი არ ითვლება ქარხნულ დეფექტად
- ლეპტოპი – 3-მდე მკვდარი პიქსელი არ ითვლება ქარხნულ დეფექტად
- მოწყობილობის არასათანადო მუშაობა გამოწვეულია არალიცენზირებული პროგრამული უზრუნველყოფის გამოყენებით
- მოწყობილობაში ჩაშენებულია („hardwired“) სისტემა, რომლისთვისაც კომპანია პასუხისმგებლობას არ იღებს.